سعيدسليمان: البنت المصرية بتكبر

استعرض الموضوع السابق استعرض الموضوع التالي اذهب الى الأسفل

سعيدسليمان: البنت المصرية بتكبر

مُساهمة  سعيد سليمان في الثلاثاء يوليو 06, 2010 12:26 am

سعيدسليمان البنت المصرية بتكبر
***
فكرني جمالك وكلامك
بالبنت العايقة المصرية
طول عمرها شاطرة وشملولة
ودايما مالية الكون ملاغية
***
مهما يقولوا وصوتهم يعلى
ومهما الفيتو وقف وياهم
مش ممكن راح يكسبوا او يعلوا
ربي المولى هو الأعلى
ربي في الأنفال حذرهم
ووعدنا بحوله ينصرنا
ويعلي بالحق رايتنا
حتى لو سمونا إرهاب
***
نوَّر لينا ازاي نتقَوَّى
ونجمع ما قدِرْنا من القوة
ترهبهم ترعبهم خوف
والنصر حليف من عند الله
***
فاكر لما رجال أكتوبر
هتفوا بالصوت الحياني:
الله أكبر؟
***
فاكر كيف زلزلهم صوتنا
وملانا بالقوة؛ عروقنا
وهما يقولوا .. في نفس واحد..
الله أكبر
***
البنت المصرية بتكبر
وتعَلِّم معنى الله أكبر
وترفرف عبايتها الخضرا
وخيرها يملا العالم واكتر
***
البنت المصرية حبيبتي
من قبل التاريخ حاضناني
مالية قلبي وجوا عنيه
وعبايتها الخضرا محاوطاني
***
مصر يا بلدي يا أم الدنيا
طينك وترابك حاجة تانية
مسك وعنبر وربيع وافي
اسمك في التوراة بينور
انجيلي وكمان قرآني
***

avatar
سعيد سليمان
Admin

عدد المساهمات : 28
تاريخ التسجيل : 28/05/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى